Opozita, “vijë të kuqe” Thaçit

Prishtinë | 07 Kor 2018 | 09:01 | Nga

Partitë opozitare po vazhdojnë të kundërshtojnë përfshirjen në ekipin negociator të dialogut me Serbinë. Ata tashmë janë shprehur të bindur se nuk “do të legjitimojnë” me pjesëmarrje vendimet e dëmshme të presidentit Hashim Thaçi, shkruan sot “Zëri”.

Përderisa LDK-ja ka kërkuar që qytetarët të vendosin vija të kuqe për presidentin Thaçi, Lëvizja Vetëvendosje duke folur për këtë gazetë ka kërkuar nga Kuvendi që sa më shpejt t’i nisë procedurat për shkarkimin e tij.

Në anën tjetër edhe kryeministri Ramush Haradinaj gjatë ditës së djeshme “paralajmëroi” se presidenti do të shkarkohet në rast të daljes nga vijat e kuqe të Kushtetutës së Republikës së Kosovës.

Ndërkaq njohësit e çështjeve politike e konsiderojnë të gabueshëm qëndrimin e opozitës për mospërfshirje në ekipin negociator. Sipas tyre opozita duhet të japë kontribut dhe të mos e lejojnë Thaçin të nënshkruajë asgjë të dëmshme për vendin.

Kryeministri i Kosovës, Ramush Haradinaj, ka thënë se Kosova ka vija të kuqe në dialogun me Serbinë dhe ato janë në Kushtetutën e vendit dhe se kushdo që i shkel parimet e vendosura në Kushtetutë do të shkarkohet.

Ai në këtë mes përmendi edhe shkarkimin e dy presidentëve të mëparshëm. “Ne kemi vija të kuqe, ne i kemi në Kushtetutën e vendit”.

Fjalë Kryesore:

Të ngjashme