Osmani dhe Gërvalla udhëtojnë drejt Antalisë për pjesëmarrje në Forumin Diplomatik

Prishtinë | 11 Mar 2022 | 08:12 | Nga Ekonomia Online

Presidentja Vjosa Osmani dhe ministrja e Jashtme, Donika Gërvalla do të marrin pjesë në Forumin Diplomatik të Antalisë

 Në kuadër të këtij Forumi, Presidentja Osmani dhe ministrja Gërvalla- Schëarz do të takohen me homologë nga disa vende të botës, pjesëmarrëse në këtë Forum, njofton zyra për media e Presidencës.

Ato do të marrin pjesë në disa panele të këtij Forumi.

Forumi Diplomatik i Antalisë është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë, opinionbërës dhe akademikë. Tema e këtij viti e Forumit të Diplomacisë së Antalisë është “Rikodimi i diplomacisë”.

Ky Forum do t`i zhvillojë punimet prej 11 deri më 13 mars dhe do të marrin pjesë përfaqësues nga rreth 70 shtete.

Fjalë Kryesore:

Të ngjashme