Osmani takohet me Ambasadorin zviceran, e njofton për ecurinë e bisedimeve me VV-në

Prishtinë | 29 Tet 2019 | 14:41 | Nga Ekonomia Online

Sot, nënkryetarja dr. Vjosa Osmani, e shoqëruar nga anëtari i Kryesisë, Besian Mustafa dhe z. Armend Zemaj, janë takuar me Ambasadorin e Zvicrës në Kosovë, Jean-Huert Lebet.

Gjatë takimit znj. Osmani e njoftoi Ambasadorin Lebet për diskutimet LDK-LVV drejt një programi të përbashkët në qeverinë ardhshme. Poashtu, znj. Osmani potencoi se prioritet i kësaj qeverie do të jetë alokimi i buxhetit drejt investimit në qytetarët e Kosovës veçanërisht në arsim, shëndetësi dhe rritje të punësimit të rinisë dhe grave. Të gjitha këto arrihen vetëm nëse fillimisht garantohet sundimi i ligjit dhe lufta kundër krimit e korrupsionit ku krerët e shtetit, Kryeparlamentari, Kryeministri dhe Presidenti duhet të jenë vet shembuj të udhëheqësve të pakorruptuar.

Ambasadori Lebet falënderoi LDK-në për qasjen konstruktive në proceset shtetformuese dhe ofroi përkrahjen e shtetit të Zvicrës në procesin e dialogut Kosovë-Serbi, të facilituar nga Bashkimi Evropian.

Të ngjashme