Qeveria dhe Parlamenti i ri i Kosovës, të cilat ministrja në detyrë e Integrimit Evropian, Mimoza Ahmetaj, pret që të formohen së shpejti, do t’i japin fund vonesës së ratifikimit të Marrëveshjes për Kufirin me Malin e Zi.

Në një intervistë dhënë gazetës “Zëri” në Dubrovnik, ku ministrja Ahmetaj po merrte pjesë në diskutimit e raportit dhe të gjeturave të Këshillit për Bashkëpunim Rajonal (RCC), ajo ka thënë se pret që edhe Kosova, megjithëse me vonesë, të përfitojë nga liberalizimi i vizave shumë shpejt.

Më tutje, gjatë bisedës ministrja Ahmetaj ka folur edhe për dialogun Kosovë- Serbi, formimin e Asociacionit të Komunave me Shumicë Serbe dhe tregut të përbashkët rajonal.