Partia Liberale përkrah Lidhjen Demokratike dhe Vjosa Osmanin për kryeministre

Prishtinë | 18 Sht 2019 | 18:36 | Nga Ekonomia Online

Nënkryetari i LDK-së, Lutfi Haziri dhe Skender Gashi, kryetar i Partisë Liberale të Kosovës (PLK) kanë nënshkruar të mërkurën marrëveshjen, sipas të cilës elektorati i PLK-së do të përkrahë listën e kandidatëve të LDK-së në zgjedhjet e 6 tetorit dhe Vjosa Osmanin në garën për kryeministre.

“Lus elektoratin e Partisë Liberale të Kosovës që në zgjedhjet e 6 tetorit të përkrahin Lidhjen Demokratike të Kosovës me numër 134 dhe kandidaten për kryeministre, Vjosa Osmanin”, ka thënë Gashi.

Në ceremoninë e nënshkrimit të marrëveshjes, kryetari i Partisë Liberale , shoqërohej edhe nga nënkryetari i PLK-së, Ismail Bekteshi, anëtarë të kryesisë dhe kryetarë të degëve të kësaj partie.

Kandidatja e Lidhjes Demokratike të Kosovës për kryeministre, Vjosa Osmani, dhe kryetari i Shtabit Zgjedhor, Lutfi Haziri, janë zotuar për partneritet me Partinë Liberale të Kosovës në interes të qytetarëve të Kosovës.

Të ngjashme