PDK: Supremja ta konfirmojë pafajësinë e Lushtakut

Prishtinë | 16 Nën 2016 | 10:55 | Nga

Partia Demokratike e Kosovës (PDK) ka reaguar për vendimin e Gjykatës së Apelit për rastin e kryetarit të Komunës së Skenderajt, Sa Lushtaku.

PDK-ja beson se Lushtaku do të shpallet i pafajshëm edhe nga Gjykata Supreme.

Deklarata e plotë e PDK-së:

“Deklaratë e Partisë Demokratike të Kosovës

Partia Demokratike e Kosovës, në vazhdimësi, ka besuar se akuza për vrasje me të cilën tash e disa vjet ngarkohet kryetari i komunës së Skenderajt, Sami Lushtaku, është një akuzë e pambështetur.

Kjo u konfirmua edhe dje nga vetë gjykata.

Partia Demokratike e Kosovës vlerëson se dënimi i tashëm i Lushtakut, për një akuzë të hedhur poshtë nga vetë gjykata më herët, është po aq i pabazuar dhe besojmë se përsëri do të rikonfirmohet pafajësia e Lushtakut.

Partia Demokratike e Kosovës kërkon që procesi i mbetur gjyqësor ndaj Lushtakut të zhvillohet në përputhje të saktë dhe të plotë me standardet demokratike të drejtësisë, larg çdo tendence të manipulimeve për qëllime që nuk i takojnë drejtësisë. Drejtësia përsëri do të triumfojë”.

Fjalë Kryesore:

Të ngjashme