Përfundon mbledhja e VV-së, zgjedhjet për kryetar në fund të shkurtit

Prishtinë | 17 Dhj 2017 | 16:30 | Nga Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Lëvizja Vetëvendosje ka përfunduar mbledhjen e Këshillit të Përgjithshëm me shpalljen e zgjedhjeve të reja partiake për Kryetar të Partisë në fund të shkurtit.

Rreth katër orë ka zgjatur mbledhja e Këshillit, e cila ka përfunduar para pak çastesh. Vetëm hapja e saj ka qenë e hapur për media. Megjithatë mbledhja ka shkuar pa tensione, tha Kryetari i Këshillit të Përgjithshëm të Vetëvendosjes, Hydajet Hyseni.

“Në shkurt i skadon mandati i kryetarit të deritashëm”, ka thënë Hyseni, para mediave, pasi ka përfunduar mbledhje e Partisë.

“Është diskutuar edhe për koalicionet. Pa asnjë problem serioz ka kaluar mbledhja”, ka thënë Hyseni.

Në anën tjetër, Ismail Kurteshi, Sekretari i VV-së, ka thënë se të gjithë ishin për zgjedhje brenda partisë.

“Vetëvendosje i është kthyer normalitetit. Shpejt do ta kem kryetarin e ri. Ai që fiton më së shumti vota, ai do të jetë Kryetar i VV-së”.

Në mbledhje ka munguar deputeti Albin Kurti, i cili po mbahet në paraburgim për shkak të hedhjes së gazit lotsjellës në Kuvendin e Kosovës. Por ai i cili pritet që të kthehet në krye të Vetëvendosjes, i është drejtuar anëtarëve të Këshillit të Përgjithshëm me një letër nga burgu.

Lexo më shumë:

Të ngjashme