Policia arreston tetë persona për rrahjen e djalit të Nenad Rashiq

Prishtinë | 22 Shk 2021 | 19:14 | Nga Ekonomia Online

Nikolla Rashiq, djali i politikanit serb Nenad Rashiqit, është rrahur nga rreth 30 persona në fshatin Llapnasellë të Graçanicës derisa po dilte nga shkolla.

Zëdhënësja e Policisë së Kosovës, Flora Ahmetaj ka konfirmuar rastin për Ekonomia Online, ku tha se janë arrestuar tetë persona.

“Sot rreth orës 12:00 kemi pranuar informatën për një rrahje në progres në afërsi të shkollës në Llapnasellë, ku kanë qenë të përfshirë disa persona. Me të marrë informatën njësitet e nevojshme policore kanë dalë në vendin e ngjarjes. Bazuar në informacionet e para dyshohet se një person mashkull , ka pësuar lëndime dhe i njëjti është dërguar për trajtim mjekësor”, ka thënë ajo.

“Lidhur me këtë rast policia ka shoqëruar në stacion policor 8 persona të dyshuar (prej tyre një i mitur). Aktualisht po vazhdon puna për zbardhjen e rrethanave dhe motiveve që karakterizojnë ngjarjen.”, shtoi Ahmetaj.

Fjalë Kryesore:

Të ngjashme