Situata në Kosovë është alarmante, kurse politika në Prishtinë që synon krijimin e Forcave të Armatosura, kërcënon destabizimin e Ballkanit, tha sot në Vjenë, drejtori i Departamentit për Bashkëpunim Evropian në Ministrinë e Jashtme ruse, Andrey Kelin.

Në konferencën vjetore të sigurisë të OSBE-së, Kelin tha se Moska është e angazhuar për të vazhduar aktivitetet e Organizatës për Siguri dhe Bashkëpunim në Evropë (OSBE) në Kosovë dhe se situata është alarmante, raporton Tanjug.