Presidenti i Kosovës, Hashim Thaçi, ka reaguar ndaj sulmit fizik që i është bërë sot gruas së ministrit Blerand Stacvileci.

Thaçi në një postim në Facebook, ka thënë se ky sulm është një akt barbar i cili nuk e shqetëson vetëm familjen Stavileci por të gjithë qytetarët e Kosovës.
“Shpreh keqardhje për sulmin e ulët dhe qyqar ndaj zonjës Stavileci, bashkëshortes së ministrit Blerand Stavileci. Ky akt barbar nuk e shqetëson vetëm familjen Stavileci, por gjithë qytetarët tanë”, ka shkruar Thaçi.

Tutje, ai ka kërkuar nga organet e drejtësisë që ta zbardhin rastin.

“Nga organet përkatëse kërkojmë që sulmuesit e dhunshëm sa më parë të dalin para drejtësisë”.