Presidentja e Kosovës, Vjosa Osmani, tha se data e zgjedhjeve komunale do të mbetet 17 tetori, raporton Ekonomia Online.
Osmani tha se kjo është për keqardhje, pasi rekomandimi i IKSHPK-së thotë ndryshe. Mirëpo siç thotë ajo, për shtyrje të zgjedhjeve nuk kishte konsensus.
Tutje, ajo ka thënë që nëse ka rritje të rasteve me Covid-19, do të ketë sërish takime për të diskutuar për këtë çështje.
Presidentja Vjosa Osmani iu është kundërpërgjigjur partive opozitare lidhur me ftesat e subjekteve politike në takimin konsultativ që mbajtën me të, duke thënë se ajo vendosë kënd ta ftojë.
“Para se të thirrja takimin kam kërkuar analizë nga IKShPK-ja lidhur me procesin zgjedhor. Është rekomanduar nga Instituti të bëhet shtyrja e procesit zgjedhor. Ky nuk është vlerësimi i vetëm që ne kemi kërkuar nga Instituti, një vlerësim i tillë është kërkuar edhe për fillimin e shkollave dhe kemi marrë përgjigjen e institutit për atë çështje. Mënyra e vetme për të shtyrë zgjedhjet është arritja e një pajtimi në pushtet dhe opozitë. Unë e respektoj qëndrimin e partive politike por nuk pajtoj me ta. Shtyrja më e madhe e zgjedhje do të ishte më së shumti deri në dy muaj, kjo për t’iu dhënë afat stafit shëndetësor ta fus në kontroll situatën”.
“Sa i përket pjesëmarrjes së zonjës Gërvalla dhe Kusari është standard që është ndërtuar edhe si presidente në detyrë dhe i kam ftuar përfaqësuesit e qytetarëve në Parlament. Janë ftuar edhe partitë nga pakicat. Unë kam ftuar edhe partitë boshnjake. Dhe unë vendosi se kë duhet ta ftoj si kryetare e shtetit”.
Gjatë konferenës, presidentja tha se ky takim ka demaskuar ata që përhapin propagandë.