Profesori i Universitetit të Prishtinës, Vigan Qorrolli, përmes një shkrimi në Twitter ka ofenduar zëvendëskryeministrin e qeverisë së Kosovës, Driton Selmanan, për shkak të prejardhjes së tij.

Qorrolli ia devijoi emrin zëvendëskryeministrit duke e thirrur “Selman Dritonaj nga Mushtishti i Suharekës”, në pyetjen se a mund ta ketë bindur presidentin e Francës, Emanuel Macron, për heqjen e vizave për Kosovën.

Pyetjën e vet, Qorrolli e vlerësoi si pyetje një milion dollarësh.

E pas reagime që mori, Qorroli u “arsyetua” duke thënë se fshati i Selmanajt, Mushtishti i Suharekës, ka prodhuar këngëtarë e patriotë, por asnjëherë diplomatë.

Kujtojmë se dje kryeministri i Kosovës, Avdullah Hoti, është pritur në pallatin Elysee të Francës nga presidenti francez, Emanuel Macron.

Bashkë me kryeministrin Hoti, ka udhëtuar edhe zëvendëskryeministri, Driton Selmanaj.

Në takim u diskutua edhe për çështjen e liberalizimit të vizave, ndërkohë që 42 anëtarë të Parlamentin Evropian, kanë nëshkruar një kërkese me të cilën i janë adresuar presidentit Macron dhe kryeministrit të Holandës Mark Rutte, që Kosovës t’i hiqen vizat deri në fund të vitit 2020.

A mund ta kete bind Selman Dritonaj nga Mushtishti i Suharekes, Presidentin Macron ne Elysee rreth lib te vizave per 🇽🇰?😄🤥#onemilliondollarquestion

— Vigan Qorrolli (@ViganQorrolli) July 8, 2020

Dmth, per me e bind dike duhesh me kan nga Prishtina, apo….?

— Alban ThaÇi (@Alban31657347) July 8, 2020