Partia në Pushtet Lëvizja Vetëvendosje dhe tri partitë tjera opozitare, PDK, LDK dhe AAK, nuk kanë arritur të gjejnë kompromis, çka ka bërë që të ndërpritet seanca e së enjtes, raporton Ekonomia Online.

Kryetari i Kuvendit, Glauk Konjuca, i ka ndërprerë punimet e seancës të së enjtes, duke i shtyrë për javën e ardhshme.

Konjufca ka thënë se bllokimi i seancës nga opozita është i paarsyeshëm, pasi protesta e veteranëve nuk ka lidhje me atë që do të zhvillohej në seancë.

“Seanca e sotme shkoi si shkoi, me këtë bllokim që mu duk i paarsyeshëm pasi s’ka pasur lidhje kjo seancë me temën për të cilën është protestuar dhe bllokuar seanca. Nuk shoh kushte të vazhdojmë pasi një pjesë e opozitës po insiston që ajo të bllokohet. E vazhdojmë javën e ardhshme. Seancat e Kuvendit nuk do të mund të bllokohen pafundësisht apo për shkak të betejave tona politike. Megjithatë principi më i rëndësishëm i shtetit është funksionimi i demokracisë”, ka thënë Konjufca në përmbyllje të seancës.

Në rend dite ishte Projektligji i propozuar nga PDK-ja për tërheqje të kursimeve nga Trusti.