Qeveria themelon grup punues për anëtarësim në NATO

Prishtinë | 14 Sht 2020 | 10:23 | Nga Kastriot Kokollari Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Qeveria e Kosovës ka themeluar Grupin Punues Ndërinstitucional për avancimin e rrugës integruese të Kosovës, në organizatën e Traktatit të Atlantikut Verior NATO, raporton Ekonomia Online.

Ministrja e Punëve të Jashtme, Meliza Haradinaj-Stublla, ka thënë se propozimi do të jetë afatgjatë, si dhe grupi do të fokusohet në zhvillim dhe anëtarësim në NATO.

“Propozimi mbështet në qëllimin afatgjatë të Kosovës në anëtarësimin në NATO, për të dëshmuar zhvillimin e suksesshëm grupi punues do të fokusohet në zhvillim dhe anëtarësim të grupit të Kosovës”.

Qeveria gjithashtu miratoi vendimin kundër Antisemitizmit, duke e renditur kështu Kosovën përkrah shteteve aleate e strategjike të saj, në luftën kundër gjuhës së urrejtjes anti-semitike.

Shefja e diplomacisë kosovare, ka thënë se urrejtja ndaj hebrenjve ka shkaktuar edhe Holokaustin, që sot është ndër memoriet më të trishta dhe të turpshme të botës.

Ministrja Haradinaj Stublla ka theksuar se shteti dhe populli i Kosovës e di më së miri se çka do të thotë spastrimi etnik dhe zhbërja e identitetit.

“Kosova duke qenë vetë viktimë e ideve monstruoze të spastrimit etnik dhe zhbërjes së identitetit të saj, e kupton mirë peshën e diskriminimit”, ka thënë Haradinaj Stublla.

Duke përshëndetur vendimin e qeverisë, kryediplomatja Haradinaj ka thënë se ky vendim, dëshmon angazhimin e Kosovës për ta luftuar antisemitizmin në të gjitha format e saj.

“Miratimi i sotëm i vendimit të Qeverisë afirmon angazhimin për të promovuar dhe forcuar kujtesën ndaj Holokaustit, dhe për të luftuar Antisemitizmin në të gjitha format e saj, dhe është në harmoni me të gjitha shtetet demokratike që nuk njohin gjuhë të urrejtjes Anti-semitike”.

Lexo më shumë:

Të ngjashme