Nënkryetari i Listës Serbe, i dyshuar për përfshirje në vrasjen e Oliver Ivanoviqit nga Prokuroria e Kosovës, Milan Radoiçiq, ka ngritur padi në Gjykatën e Lartë të Beogradit kundër Rada Trajkoviq, politikanes serbe nga Kosova, për shkelje të “reputacionit dhe nderit”.
Trajkoviq, përmes një shkrimi në profilin e saj në Twitter, ka thënë se ajo do të mbrohejt me një “poligraf”.
Radojiçiq dyshohet se është duke u fshehur në Serbi, ndërkaq Gjykata Themelore e Prishtinës ka urdhëruar “letërrreshtimin vendor kundër të pandehurit Radojiçiq” disa javë më parë.
Akuza e Prokurorisë Speciale të Kosovës ndaj Radojiçiq bën fjalë për vrasjen e politikanit serb të Kosovës, Oliver Ivanoviq, i cili më 16 janar të këtij viti u vra para zyrës së partisë së tij në veri të Mitrovicës.
Ndërsa, Trajkoviq ka ironizuar me Radojiçiq duke e quajtur atë “qytetar i ndershëm”.
Lexoni më poshtë reagimin e saj:
“Qytetari i ndershëm”, Milan Radojiçiq, që deri dje ka thënë se është subjekt i sistemit të drejtësisë së Kosovës, e jo të Serbisë, më ka paditur për “lëndim të nderit dhe reputacionit” në Gjykatën e Lartë në Beograd.
Avokati i tij është Goran Petronijeviq, mbrojtësi i vjetër i ekipit të “Kosovës e Metohisë.”
Jo kjo nuk është shaka.
P. S. Mbrohem me poligraf.