Gjatë takimit me Mogherinin, Rama është përgjigjur në lidhje me deklaratat e Haradinajt për një plan mes Ramës, Vuçiçit dhe Thaçit për të copëtim të territoreve.

Në fjalën e tij Rama përdori dy shprehje që i përdor shpesh, “Budallain sa pa dalë Facebooku e njihte vetëm shtëpia e vet” dhe “nëse do që gënjeshtrën tënde ta besojnë bëje të pabesueshme”.

“Sa i përket komplotit për të copëtuar Kosovën dhe për të krijuar një hartë të re të botës në mënyrë të fshehtë, më kujton atë shprehjen që sa pa dalë ‘Facebook’ budallain e njihte vetëm shtëpia e vet.

Nëse do që gënjeshtrën tënde ta besojnë bëje të pabesueshme është në përdorim të përditshëm duke përfituar nga Facebooku dhe mundësia për torollisur gjithë dynjanë me gënjeshtra të përmasave marramendëse dhe budallallëqe të rrezikshme.

LEXO DHE : 12 kombinime pranverore, që do ju bëjnë të dukeni me stil

Nëse gjenden aq shumë budallenj sa të besojnë se një proces që përfshin shtet dhe jo dy shtete, por të gjitha shtetet e botës që përfshin parlamente, parti politike, shoqëri, votime referendare në fund mund të bëhet fshehurazi nga disa persona dhe të kalojnë të gjithë këtë proces që thashë si miu nën mustaqe atëherë kjo botë ka marrë fund.

Por çdo shqiptar e kupton se kjo është e gjitha një gënjeshtër e bërë aq e pabesueshme që të mund të shitet dhe blihet në territorin e marrëzisë online. për më shumë do të shpjegoj më tutje kur të më jepet mundësia”, u shpreh Rama.