Partia Demokratike e Kosovës, nuk i sheh zgjedhjet e parakohshme si zgjidhje për tejkalimin e situatës politike në vend. Në partinë më të madhe në vend shprehen optimist se do të arrihet një konsensus mes palëve.

Zëvendësshefi i Grupit parlamentar të PDK-së, dhe njëherësh anëtar i Kryesisë së kësaj partie, Elmi Reçica thotë se kjo parti arritjen e një ujdie mes pozitës dhe opozitës për çështjen e demarkacionit e sheh vetëm përmes dialogut.

“Unë besoj se çështja e demarkacionit do të zgjidhet dhe nuk besoj qe zgjedhjet janë zgjidhje”, ka thënë Reçica për Indeksonline.

Ai thotë se arsye e fortë për arritjen e një gjuhe të përbashkët duhet të jetë edhe vendosja e demarkacionit si kusht për liberalizimin e vizave.

Reçica nuk beson se Qeveria ka insistuar tek Brukseli zyrtar qe kriteri për demarkacionin të jetë kusht për liberalizim të vizave.

Partitë opozitare tash e një kohë janë duke kërkuar qe vendi të shkojë në zgjedhje të parakohshme me pretekstin se kjo qeveri nuk ka me mandat kushtetues dhe legjitim të qeverisë me vendin.