Njohësit e rrethanave politike në vend kanë treguar arsyet pse elektorati i PDK-së dhe i LDK-së nuk i votoi për deputet disa nga figurat kryesore të këtyre partive.

Belul Beqaj dhe Blerim Burjani kanë thënë për gazetën “Epoka e re” se moszgjedhja deputet e disa figurave të rëndësishme në PDK, si Hajredin Kuçit, Arsim Bajramit, Edita Tahirit, mund të ketë ndikuar shkaku i riciklimit të tyre nëpër pozita të ndryshme për një kohë të gjatë në jetën politike, por disa thonë se nuk kanë pasur aktivitet të duhur gjatë procesit parazgjedhor.

Kurse në mosvotimin për deputet të Sabri Hamitit, të Ali Sadrisë e të Sadri Feratit, sipas analistëve, mund të ketë ndikuar afërsia e tyre me liderin partiak.