Pas rritjes së rasteve të infketuara me COVID-19, ministri i Shëndetësisë, Arben Vitia do të mbajë konferencë për media në orën 19:30.

Vitia do të mbajë konferencë për media lidhur me situatën epidemiologjike lidhur me COVID-19.

“Ministri i Shëndetësisë i Republikës së Kosovës, z. Arben Vitia, do të mbaj konferencë për media lidhur me situatën epidemiologjike lidhur me COVID-19. Konferenca mbahet sonte, më 17 gusht 2021, në ora 19:30 në Ministri të Shëndetësisë”, është bërë e ditur nga Ministria e Shëndetësisë.

Kujtojmë që ministri i Shëndetësisë Arben Vitia ka ftuar për sot në takim krerët e institucioneve shëndetësore të vendit dhe hisedarët në zbatimin e masave kundër COVID-19.

Po ashtu Vitia në orën 18:00 pritet të mbajë një mbledhje virtuale me Asociacionin e Komunave të Kosovës, për t’i diskutuar masat e reja anti-COVID.

Së fundmi është rritur me shpejtësi numri i rasteve të reja të infektuara me COVID-19 në Kosovë.

Vetëm sot janë raportuar 5 viktima dhe 1 mijë e 765 raste të reja të infektuara.