Shala pas ftesës nga Specialja: S’e di a është rastësi apo e qëllimshme

Prishtinë | 25 Gus 2020 | 20:43 | Nga Ekonomia Online

Të martën doli për të bërë nderime në Kleçkë. Por, një ditë më parë në shtëpinë e Haxhi Shalës trokitën disa ndërkombëtarë.

Ata ishin hetues të Zyrës së Prokurorit të Specializuar, të cilët i shkuan në shtëpi atij që njihet si komandat “Topi” për t’ia lënë një ftesë.

Haxhi Shala, tani është i dyshuar për krime lufte, ndërsa thotë se do t’i përgjigjet ftesës së Prokurorisë, raporton T7.

Ish komandanti i Brigadës 121 “Kumanova”, e cilëson si gjykatë të padrejtë.

Ndërkohë në pafajësinë e Shalës, beson edhe kryetari i Nismës, Fatmir Limaj.

Njëjtë si Limaj, optimist se Haxhi Shala do të dalë i pastër nga këto procedura penale shprehet edhe Daut Haradinaj.

Haxhi Shala do të paraqitet para prokurorëve të Zyrës së Prokurorit të Specializuar më 8 shtator.

Të ngjashme