Shqipëria duhet të jetë pjesë e dialogut mes Kosovës dhe Serbisë

Prishtinë | 14 Sht 2018 | 10:52 | Nga Valbona Bytyqi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Shqipëria duhet të jetë pjesë e dialogut mes Kosovës dhe Serbisë vlerëson Ministër i Punëve të Jashtme, Behgjet Pacolli, në konferencën pas takimit me homologun e tij nga Shqipëria, Ditmir Bushati.

“Kam kërkuar nga pala shqiptare të mos jetë duarkryq pala shqiptare duhet të jetë pjesë përbërëse e synimit tonë të dialogut me Serbinë. Nëse mundet BE të jetë prezent dhe ShBA, pse jo Shqipëria”.

“E informova se dialogu përfundimtar pothuajse ka filluar, takimet vazhdojnë, edhe pse  jashtëzakonisht i vështirë, ai duhet të ndodh… Ai nuk duhet të zgjas me dhjetëra vite. Çdo gjë është e hapur me diskutimet me Serbinë duke pas parasysh që Kosova është e pavarur.”

Pacolli më tutje ka bërë të ditur se Bushatin e ka informuar për mbarëvajtjen e dialogut me Serbinë, raporton EkonomiOnline.

LEXO Edhe: Haradinaj takohet me diplomatin shqiptar Ditmir Bushati

Ai gjithashtu tha se ka kërkuar nga ministri shqiptar që të ndihmojë Kosovën në arritjen e liberalizimit të vizave.

“Shqipëria gjithmonë është në mbështetje të Kosovës si në rrafshin rajonal ashtu edhe ndërkombëtarë. Këtë vit përpjekjet tona të përbashkëta janë që Kosova të arrij synimin e vet për liberalizimin e vizave. Besoj që me punën tonë me vullnetin tonë do të arrijmë edhe këtë”.

“Ne udhëtojmë së bashku në New York ku kemi një mori takimesh të përbashkëta dhe kanë për qëllim faktorizimin e shtetndërtimit të Kosovës. Pala shqiptare sot është jashtëzakonisht e interesuar të ecën dialogu me Serbinë”.

Ministri i Punëve të Jashtme të Shqipërisë, Ditmir Bushati tha se do të vazhdojnë të mbështesin Kosovën në fazën e fundit të dialogut, raporton EO.

“Shqipëria e ka mbështetur në mënyrë konsistente këtë proces pavarësisht se kush ka qenë në krye të punëve të vendit në Shqipëri dhe Kosovë. Kosova është gjithmonë e para dhe kësaj besoj se i jemi përmbajtur me besnikëri pavarësisht pozicioneve të ndryshme teknike. Ne kemi demonstruar një unitet dhe solidaritet”.

“Mbështetja e Shqipërisë do të vazhdojë në disa proceset në të cilat është e përfshirë Kosova. Sot ne gjithashtu kemi pasur mundësinë për të folur me mikun tim Pacolli edhe për sa i përket bashkëpunimit dypalësh. Dy qeveritë tona do të mblidhen në Pejë dhe do të jetë një mundësi e artë për atë që kemi arritur dhe për mangësitë”, tha Bushati.

Ministri nga Shqipëria gjatë ditës është takuar edhe me kryeministrin, Ramush Haradinaj, ndërsa më vonë do të takohet edhe me kryeparlamentarin Kadri Veseli.

 

 

Të ngjashme