Simiq: Lista Serbe do të mbetet në opozitë, ngjarjet e djeshme nuk guxojnë të përsëriten

Prishtinë | 30 Sht 2018 | 10:47 | Nga Ekonomia Online
Deputeti i Listës Serbe, Igor Simiq, ka bërë të ditur se barrikadat e serbëve në Zubin Potok të vendosura pas vizitës së presidentit Thaçi në Ujman tashmë janë larguar.
Sipas tij, shkuarja e Njësive Speciale në atë pjesë ka shkaktuar acarim dhe nervozizëm tek banorët serbë.

Ai tha sot se shpreson që dikush nga ambasadat vendimmarrëse do të reflektojnë dhe do të tërheqin vërejtjet në Prishtinë që një gjë e tillë mos të përsëritet, transmeton lajmi.net.

Sipas tij, nëse një gjë e tillë ndodhë sërish, mund të ketë edhe eskalim të situatës.

“Frikësohem se pas ngjarjeve të djeshme, situata të tilla mund të sjellin ngjarje shumë më të dëmshme se dje, dhe një reagim shumë më të keq të njerëzve që duan të mbrojnë reputacionin e tyre dhe paqen që e kanë ndërtuar që 19 vite”, u shpreh Simiq.

Simiq në fund po ashtu konfirmoi se deputetët e Listës Serbe do të mbeten në opozitë, dhe se nuk do t’i japin legjitimitetin veprimeve të tilla.

Fjalë Kryesore:

Të ngjashme