Ministria e Punës dhe Mirëqenies Sociale (MPMS) sot ka organizuar ceremoninë e pranim-dorëzimit të mandatit të ish-ministrit Safet Kamberi dhe ministrit të ri të kësaj ministrie, Skënder Reçica.

Gjatë këtij takimi, ish-ministri Kamberi ka uruar Reçica për postin e tij duke e njoftuar me të arriturat dhe sfidat që e presin këtë ministri, ku njëkohësisht bëri edhe dorëzimin e mandatit të tij si ministër.

Ndërkaq ministri i sapozgjedhur i MPMS-së, Skender Reçica ka shprehur falënderime për punët dhe angazhimet e deritanishme që janë bërë duke u shprehur optimist se angazhimi i tij do të jetë maksimal në arritjet dhe objektivat që e presin këtë ministri.