Syla: Të hapen xhamitë, për faljen e Bajramit të shfrytëzohen edhe kishat

Prishtinë | 21 Maj 2020 | 14:13 | Nga Ekonomia Online

Deputeti i Aleancës për Ardhmërinë e Kosovës, Gazmend Syla, ka kërkuar nga qeveria që në planin e hapjes së ekonomisë e institucioneve, të përfshihet edhe hapja e objekteve fetare.

Syla, ka thënë se Festa e Bajramit, që do të festohet të dielën, duhet të falet aty ku është vendi. Deputeti ka propozuar që xhamitë të hapen duke respektuar rekomandimet e IKSHPK-së, ndërkohë që ka propozuar që për faljen e Bajramit të shfrytëzohen edhe kishat.

“Plani i hapjes duhet të ndryshojë dhe duhet të përfshijë edhe hapjen e objekteve fetare sa më parë. Festa e Bajramit duhet të falet aty ku e ka vendin: në objekte fetare me kujdes e rregulla për shkak të pandemisë. Në këtë kuptim, edhe Kishat Katolike mund të shfrytëzohen. Vëllëzërit tonë katolik nuk kanë as edhe një problem me këtë”, ka shkruar Syla.

Syla ka thënë se Kosova e ka dëshmuar përgjatë historisë harmoninë fetare.

“Në Kosovë është dëshmuar historikisht se ka harmoni fetare. Është koha ta dëshmojmë edhe tash, pavarësisht standardeve të dyfishta të Qeverisë në ikje”, thuhet në fund të postimit të tij.

Fjalë Kryesore:

Të ngjashme