Në mbledhjen e radhës Qeveria e Kosovës ka miratuar dy nisma për lidhjen e marrëveshjeve dy paleshe për qarkullimin ndërkufitar të mbeturinave, respektivisht eksportin e importin e mbeturinave me Republikën Federale të Gjermanisë dhe me Kroacinë, raporton Ekonomia Online.
Ministri i Mjedisit dhe Planifikimit Hapësinor (MMPH), Fatmir Matoshi tha se kjo marrëveshje ka të bëj për mbeturinat e riciklueshme të cilat nuk mund të bëhen në Kosovë.
“MMPH-ja në kuadër të objektivave të veta planifikon të lidhë marrëveshjen dy paleshe për qarkullimin ndërkufitar të mbeturinave, respektivisht eksportin e importin e mbeturinave me Republikën Federale të Gjermanisë për ruajtjen e mjedisit të Gjermanisë dhe Kosovës”, tha ai.
“Kjo bëhet për riciklimin e mbeturinave si metal etj, të cilat janë lëndë të riciklueshme”, tha Matoshi.
“Të njëjtën marrëveshje si me Gjermaninë, MMPH po shqyrton mundësinë për lidhjen e marrëveshjes për qarkullimin ndërkufitar të mbeturinave, me Kroacinë”, sqaroi ai.