Tahiri e Hoxha sot para komisionit

Prishtinë | 22 Shk 2017 | 08:54 | Nga

Ministrja për dialog, Edita Tahiri dhe ajo e Drejtësisë, Dhurata Hoxha, do të raportojnë sot para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit.

Tahiri pritet të pyetet për procesin e dialogut si dhe provokimet e fundit destabilizuese nga Serbia, të cilat kanë qenë si përpjekje për të cenuar sovranitetin e shtetit të Kosovës, që sipas Tahirit janë pjesë e skenarëve të ambicieve të Rusisë për të kthyer ndikimin në Ballkan.

Ndryshe, ministrja Hoxha edhe dje është përballur me pyetjet e deputetëve për sa i përket përmbushjes së kriterit për luftën kundër korrupsionet për liberalizim të vizave, mungesës së strategjisë legjislative dhe ligjit për konfiskim të pasurisë së paligjshme, rastin e mos arrestimit të zyrtarëve të lartë siç është ai i kryetarit të komunës së Prizrenit, Ramadan Muja.

Të ngjashme