Kandidati për deputet nga koalicioni PDK-AAK-Nisma, Besnik Tahiri, ka thënë se qyteteve të Kosovës iu duhet frymë re.
Sipas tij, turizmi dhe kultura duhet të kthehen në gjeneratorë të zhvillimit.
Sipas Tahirit, trashëgimia kulturore, estetika urbane, përkrahja dhe promovimi i turizmit malor e rural janë rruga e vetme drejt transformimit të qyteteve.
“Kaosi, investimet e korruptuara dhe të dobëta publike duhet t’i takojnë të kaluarës. Qyteteve tona u duhet frymë dhe fytyrë e re. Turizmi dhe kultura duhet të kthehen në gjenerator të zhvillimit. Sporti në mjedis social, stil jetese dhe cilësi jetese”, thekson Tahiri.