Të izoluarit e kontinentit festojnë ditën e Evropës

Prishtinë | 09 Maj 2017 | 10:22 | Nga

Kosova shënon sot 9 Majin – Ditën e Evropës. Në kalendarin e festave shtetërore, shënohet edhe kjo ditë, shkruan AktivPress.

Në Prishtinë kanë filluar përgatitjet për nder të kësaj dite. Në sheshet kryesore të kryeqytetit janë vendosur flamuj të shtetit të Kosovës, krahas atij të Bashkimit Evropian.

Gjithashtu në këtë hapësirë janë vendosur edhe shtëpiza të vogla në të cilat shënohet “Europe Day” dhe secila shtëpizë e ka të vendosur emrin e shteteve që kanë njohur Pavarësinë e Kosovës.

Kosova edhe nëntë vite pas shpalljes së Pavarësisë, është i vetmi vend në kontinentin evropian që nuk gëzon të drejtën e lëvizjes së lirë dhe nuk është anëtare e organizatave kyçe evropiane si Këshilli i Evropës apo Bashkimi Evropian.

Dita e Evropës e gjen Kosovën në krizë politike në përpjekje të ratifikimit të demarkacionit me Malin e Zi nga koalicioni qeverisës në vend.

Kjo marrëveshje është kusht për Kosovën nga Bashkimi Evropian për të marrë liberalizimin e vizave.

Fjalë Kryesore:

Të ngjashme