Të premten përfundon votimi jashtë Kosovës

Prishtinë | 12 Tet 2021 | 13:38 | Nga Ekonomia Online

Të dielën më 17 tetor do të mbahen zgjedhjet lokale në Kosovë.

Në kuadër të këtij procesi, javë më parë ka filluar edhe votimi përmes postës, për të gjithë ata qytetarë të Kosovës të cilët jetojnë jashtë vendit.

Zëdhënësi i KQZ-së, Valmir Elezi ka thënë se deri më tani KQZ-ja ka pranuar 3 mijë e 481 pako të supozuara me fletëvotime.

“Është duke vazhduar procesi i votimit përmes postës për 15,532 qytetarët e regjistruar suksesshëm si votues jashtë Kosovës. Deri më tani, KQZ-ja ka pranuar 3,481 pako të supozuara me fletëvotime”, ka thënë Elezi.

Ai ka bërë të ditur se periudha e votimit përmes postës përfundon më 15 tetor, pra deri në këtë datë duhet të pranohen fletëvotimet nga ana e KQZ-së.

Të ngjashme