Presidenti i Kosovës, Hashim Thaçi, ka përgëzuar Delegacionin Shtetëror për prezantimin e tyre në dialog me Serbinë në Bruksel.
Ai përmes një statusi në Facebook ka thënë se njohja e Kosovës nga Serbia dhe anëtarësimi në OKB është objektivi i Kosovës..
Ndryshe gjatë ditës së sotme derisa Delegacioni ishte në bisedime në Bruksel, presidenti Thaçi ishte në një shëtitje në Brezovicë.
Postimi i plotë:
E përgëzoj delegacionin shtetëror për dialogun, për prezantimin korrekt, unik dhe profesional në Bruksel, në kuadër të fazës përfundimtare të dialogut Kosovë-Serbi. Njohja e Kosovës nga Serbia dhe anëtarësimi në Kombet e Bashkuara është objektivi ynë. Marrëveshja përfundimtare dhe gjithëpërfshirëse në mes Kosovës dhe Serbisë do të sjellë më shumë paqe e stabilitet për vendet tona dhe për tërë rajonin.