“Thaçi për Kosovën, si Messi për Barcelonën”

Prishtinë | 08 Maj 2019 | 22:29 | Nga Ekonomia Online

Deputetja e PDK-së në Kuvendin e Kosovës, Ganimete Musliu, ka thënë se ta heqësh presidentin e Kosovës nga ekipi i Kosovës në dialog me Serbinë është sikur t’ia heqësh Lionel Messin ekipit të Barcelonës.

“Unë ta them me bindje të plotë: të hiqet presidenti i Kosovës nga dialogu është sikur ekipit të famshëm me ia heq Messin. Është lideri më i përgatitur në këtë fushë dhe në këtë drejtim. Unë jam e bindur që edhe partitë politike e pranojnë këtë”, ka thënë ajo në televizionin publik.

Musliu ka thënë se ideja e ndryshimit të kufijve është e kahershme dhe ajo identifikohet edhe me nënkryetarin e LDK-së, Lutfi Hazirin.

Ajo e ka parë të padrejtë gjendjen e Luginës së Preshevës në Serbi.

Të ngjashme