Presidenti Hashim Thaçi gjatë konferencës për medie pas formimit të Qeverisë Hoti ka komentuar edhe deklaratën e deputetit Haxhi Shalës për votimin e Qeverisë Hoti, Thaçi tha se nuk heziton të japë këshilla.
Thaçi ka thënë se ai nuk heziton t’i japë këshilla deputetëve ose kujtdo që i kërkon, pasi sipas tij, e ka përvojën të kontribuojë.
“Çdo deputet ka legjitimitetin e vet dhe unë nuk refuzoj të diskutoj për çështje madhore me të gjithë ata që pajtohen, por në të njëjtën kohë edhe duke u bazuar në eksperiencën time, jo rrallë herë dha këshilla” , ka thënë presidenti Thaçi.
Deputeti i Nismës ka thënë se ishte kundër votimit të Qeverisë Hoti, por ka thënë se ka ndryshuar qëndrim pas një takimi që ka pasur me Presidentin Hashim Thaçi dhe ish-kryeministrin Ramush Haradinaj.