Ujkani: Pasojat e pandemisë në ekonomi do të jenë shumë të mëdha

Prishtinë | 05 Pri 2020 | 08:17 | Nga Kastriot Kokollari Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kriza e shkaktuar nga pandemia e Coronavirusit, do të lërë pasoja të mëdha në ekonominë e Kosovës.

Emrush Ujkani, drejtor Ekzekutiv i Këshillit të Investitorëve Evropianë, në një intervistë për Ekonomia Online  thotë se Kosova do të ketë dëme të mëdha në ekonomi dhe do ta ketë të vështirë të rimëkëmbet, meqë, sipas tij edhe para pandemisë Kosova ka pasur një ekonomi jostabile.

Sipas Ujkanit, jo vetëm sektori privat por e gjithë shoqëria ende vazhdon të ballafaqohet me sfida të ndryshme dhe një pandemi si kjo kuptohet që do të lërë edhe gjurmë më të mëdha në raport me vendet e tjera.

“Ne vetëm jemi duke i bërë analizat fillestare dhe ende nuk kemi rezultate konkrete. Do të dalim shpejt dhe do të kemi konkluzione bazuar në ata se çka do të gjejmë në terren. Por, vërtet do të duhet kohë për ta bërë një analizë të mirëfilltë për të parë se sa janë ato dëme që do t’i shkaktohen ekonomisë së një vendi”.

“Dëmi bëhet edhe më i madh kur kemi të bëjmë parasysh faktin se flasim për një ekonomi e cila është në zhvillim dhe e cila ashtu ka qenë e dëmtuar. Jo vetëm sektori privat, por e gjithë shoqëria ende vazhdon të ballafaqohet me sfida të ndryshme dhe një dukur dhe një pandemi si kjo kuptohet që do të lërë edhe gjurmë më të mëdha në raport me vendet e tjera”, tha Ujkani.

Ai ka thënë se Këshill i Investitorëve Evropianë, i ka mbështetur institucionet të cilat janë në front të parë duke u ballafaquar me pandeminë.

“Në të njëjtë kohë jemi dhe duhet të avokojmë edhe për atë çka është në interes të sektorit privat, pasi përmes sektorit privat mund dhe do të gjenerohet zhvillimi ekonomik në vend”, tha Ujkani për EO.

Ujkani më tutje ka theksuar se Qeveria në detyrë e ka për detyrë t’i përfundojë detyrat të cilat ia lejon Kushtetuta dhe Ligji.

“Qeveria në detyrë e ka për detyrë t’i mbarojë dhe t’i përfundojë detyrat ashtu siç e ka filluar dhe ashtu si e lejojnë edhe kuadri ligjor dhe kushtetues për të vepruar. Mendoj që në situatën në të cilën gjendemi edhe rregullat përjashtuese, nganjëherë vlejnë dhe kur e them këtë ndoshta edhe duhet të anashkalohen disa rregulla dhe disa procedura të rregullta që një situatë normale do të duheshin të respektoheshin”.

“Por në situatën të cilën gjendemi kjo Qeveri e cila është në detyrë, duhet ta qojë dhe t’i kryejë detyrat që i ka para vetes deri në një fazë ose kur do të ketë qeveri tjetër apo do të ketë një formë tjetër për ta adresuar këtë çështje”, shtoi Ujkani për Ekonomia Online.

Të ngjashme