Veseli fton VV-në dhe Listën Serbe të reflektojnë për demarkacionin

Prishtinë | 24 Shk 2018 | 21:34 | Nga

Pas arritjes së marrëveshjes mes LDK-së dhe kryeministrit Ramush Haradinaj për të votuar Projektligjin për Demarkacionin njëjtë siç ka ardhur nga Qeveria e Kosovës, përveç se në Pikën 1.2 të Nenit 3 është shtuar fjala “si orientim”, kryeparlamentari Kadri Veseli ka ftuar edhe Lëvizjen Vetëvendosje dhe Listën Serbe që të reflektojnë dhe ta votojnë marrëveshjen.

Postimi i Veselit në Facebook:

Lidhur me konsensusin e arritur sot mes subjekteve politike për çështjen e demarkacionit, dua të bëj një sqarim.

Pas bisedës që kam pasur sot me Kryeministrin Ramush Haradinaj dhe Shefin e Grupit Parlamentar të LDK-së, Avdullah Hoti, është arritur pajtueshmëri që Projektligji për Demarkacionin të mbetet i njëjtë siç ka ardhur nga Qeveria e Kosovës, përveç se në Pikën 1.2 të Nenit 3 është shtuar fjala “si orientim”, me kërkesë të LDK-së, pikë kjo në të cilën flitet për Dokumentacionin Zyrtar të Komisionit Shtetëror për Shënimin e Kufirit.

Falënderoj Kryeministrin Haradinaj dhe LDK-në për vullnetin e mirë që t’i kontribuojnë arritjes së konsensusit nacional.

Ftoj edhe subjektet tjera politike të përfaqësuara në Kuvendin e Kosovës, Lëvizjen Vetëvendosje dhe Listën Serbe, që të reflektojnë dhe të votojnë “pro” Marrëveshjes për Shënimin e Kufirit të Kosovës me Malin e Zi.

Fjalë Kryesore:

Të ngjashme