Veseli në Pejë, kërkon nga Qeveria që të ndihmojë prodhuesit pas krizës nga pandemia

Pejë | 23 Tet 2020 | 14:14 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryetari i Partisë Demokratike të Kosovës (PDK), Kadri Veseli, ka vizituar disa biznese të cilat janë prekur nga pandemia në qytetin e Pejës, raporton Ekonomia Online.

Veseli gjatë vizitës në kompaninë “Greenhouse” dhe “Ved-Farm”, tha se duhet ndhihmë konkrete nga ana e Qeverisë për bizneset, veçanërisht tani gjatë pandemisë.

“Ekonomia jonë mund të eci përpara vetëm npërmjet lulëzimit tē sipërmarrjeve private në kushtet e një konkurrence të lirë e të ndershme dhe nëpërmjet një integrimi sa më të mirë të ekonomisë sonë në tregjet ndërkombëtare”.

“Prandaj sektori i prodhimit në ekonominë e Kosovës  meriton vëmendje shumë më të madhe se deri tani prej Qeverisë, sidomos duke ditur që është dëmtuar nga pandemia”.

“Zgjerimi i kompanive si këto të dyja dhe i këtij sektori prodhues në përgjithësi  mundëson shtimin e vendeve të reja të punës që sigurojnë të hyra për shumë familje. Po ashtu rrit të hyrat në buxhetin e shtetit që mund të përdoren për të përmirësuar shërbimet publike dhe infrastrukturën”.

“Rritja e prodhimit vendas gjithashtu kontribuon në uljen e çmimeve për konsumatorin tonë duke ulur koston e jetës dhe përmirësuar standardet e jetës së qytetarëve kosovarë”.

Kompania “Greenhouse” prodhon shtëpi të parafabrikuara prej druri të cilësisë së lartë duke eksportuar në Zvicër, Austri e vende të tjera të Evropës së veriut.

Ndërkaq, kompania “Ved-Farm” është një investim serioz që përdor fjalën e fundit të  shkencës për të prodhuar vezë cilësore.

Lexo më shumë:

Të ngjashme