Kryetari i Partisë Demokratike të Kosovës, Kadri Veseli, ka shkruar se rezultatet e zgjedhjeve në Maqedoninë e Veriut tregojnë një sukses hisotrik të shqiptarëve.

Veseli më tutje ka shkruar se shqiptarët e Maqedonisë së Veriut po vazhdojnë të luajnë rol të rëndësishëm drejt integrimit brenda vlerave euro- atlantike.

Postimi i plotë:

Rezultatet preliminare të zgjedhjeve në Maqedoninë e Veriut tregojnë për një sukses historik të shqiptarëve.

Është tregues i qartë se angazhimi politik dhe dalja masive në zgjedhje sjell rezultatin e merituar.

Uroj Ali Ahmetin dhe BDI-në për suksesin e treguar në zgjedhjet e fundit në Maqedoninë e Veriut. Besoj në një bashkim të fortë të spektrit politik shqiptar, për ta fuqizuar më tutje pozitën e shqiptarëve në shtetin e tyre.

Është lajm i mirëpritur që shqiptarët e Maqedonisë së Veriut po vazhdojnë më tutje të luajnë rol vendimtar në rrugëtimin drejt integrimit brenda vlerave euro- atlantike.