Kryetari i Partisë Demokratike të Kosovës, Kadri Veseli, në një tubim elektoral në Viti, është zotuar se do ta zhvillojnë këtë komunë.

“Vitinë do ta kthejmë nga komunë burokratike në zhvillimore”, ka thënë lideri i PDK-së, para përkrahësve e qytetarëve të tjerë, të mbledhur në Shtëpinë e Kulturës.

Veseli ka thënë se kandidati i tyre, Besim Halimi, i njeh më së miri problemet e Vitisë.

“Vitia ka nevojë për zhvillim dhe këtë zhvillim e sjell vetëm qeverisja e Partisë Demokratike të Kosovës”, ka theksuar kreu i Partisë Demokratike.