Ambasadori i Italisë në Prishtinë, Nicola Orlando, ka mirëpritur angazhimin e ministrit të Shëndetësisë së Kosovës, Arben Vitia, dhe homologu të tij nga Serbia, Zllatibor Llonçar, në lidhje me, siç u shpreh ai, bashkëpunimin praktik për të ndaluar përhapjen e koronavirusit.
Në një postim në Facebook, Orlando është shprehur se e çmon angazhimin e tyre për të kapërcyer distancat dhe për t’u përqendruar në shëndetin e të gjithë qytetarëve si përparësi kryesore.
Sot Italia ishte nikoqire e një video-konference, me pjesëmarrjen e KFOR-it, midis ministrit të Shëndetësisë së Kosovës, Arben Vitia, dhe atij të Serbisë, Zllatibor Llonçar, e përqendruar në urgjencën e COVID-19.
Në këtë video-konferencë të dyja palët shkëmbyen mendime mbi situatën në terren dhe diskutuan veprimet për të trajtuar pandeminë.
In a VTC facilitated by #Italy with @NATO_KFOR participation today the Ministers of Health of #Kosovo & #Serbia discussed practical cooperation to contain #Coronavirus.
— Nicola Orlando (@nicolaorlando) April 15, 2020
I praise their commitment to overcome distances & focus on health of all citizens as top priority! 👏🏻
🇮🇹🇪🇺🇽🇰 https://t.co/noryL4Vkkz