Vitia flet për rishikimin e masave: Ka shumë fëmijë të infektuar me Delta

Prishtinë | 06 Gus 2021 | 13:03 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Ministri i Shëndetësisë, Arben Vitia, ka paralajmëruar masa ta reja, raporton Ekonomia Online.

Ai ka bërë thirrje për vaksinim kundër Covid-19, duke  shtuar se varianti Delta nuk është duke i kursyer as fëmijët.

“S’ka alternativë tjetër pos vaksinimit.  Me paraqitjen e Delta-s është e qartë se çdo masë konvencionale nuk do ta ketë suksesin që ka pasur para këtij varianti. Janë 290 ekipe të vaksinimit në tërë Kosovën ky proces do të vazhdojë me rritjen e numrit të ekipeve, si në Prishtinë”, është shprehur ai.

“Nga e hëna jemi në takime për rishikimin e masave të reja që do të jenë konform insetivizimit të qytetarëve për vaksinim. Vaksina ka mjaftueshëm, janë të sigurta dhe nuk ka arsye për mos vaksinim. Janë shumë fëmijë të infektuar në valën e fundit. Ky është një alarm që të jemi të ndërgjegjshëm”.

“Vaksina ka mjaftueshëm dhe nuk ka asnjë arsye që mos me u vaksinu, dhe do ketë masa për ata që nuk janë vaksinuar. Në shumë spitale regjionale nuk janë shumë të mira, kanë qenë ashtu dhe ka qenë e pamundur të intervenojmë si pasojë e Covid-19, po përpiqemi të ndërhyjmë tek kushtet mbi gjendjen pandemike, oksigjenimin dhe krijimin e kushteve më të mira të vaksinimit”, tha Vitia.

Të ngjashme