Kandidati për kryetar të komunës së Prishtinës, Arbër Vllahiu, ka vizituar lagjen “Ulpiana” në Prishtinë.

Ai u njoftua për së afërmi me problemet e qytetarëve të kësaj lagjeje.

Tregtarët Vllahiut iu ankuan për gjendjen jo të mirë të vendit ku shesin produktet e tyre.

Ata thanë se shtyllat anti-parking të vendosura para hyrjes së tregut po i pengon ata që të zhvillojnë veprimtaritë e tyre.

“Problemet me tregun e Ulpianës, me parkingje, mungesa e hapësirave për rekreativitet ishin disa prej problemeve që Vllahiu tha se iu duhet zgjidhje”, tha Vllahiu, raporton EkonomiaOnline.

Ai u premtoi banorëve, se me ardhjen e tij në krye të komunës së Prishtinë, do t’ju bëhet zgjidhje.

“Problemet e Prishtinës mund të zgjidhen vetëm ne punë me punë 24 orësh për komunitetin”, tha ai.

Vllahiu pas një bashkëbisedimi me disa pensionistë, u kujdes që këtyre të fundit t’ju bashkëngjitet edhe në lojën e shahut.