Raportuesja për Kosovën në Parlamentin Evropian, Viola Von Cramon pas vizitës disa ditore në Kosovë, raporton Ekonomia Online.

Cramon tha se ka folur me kreun e Qeverisë, Albin Kurtin për dialogun por jo diçka specifikisht.

Ajo tha se presin që javëve të ardhshme mund të shihet një përafrim të pozicioneve ndërmjet Kurtit e presidentit serb Aleksandar Vuçiq dhe sipas saj kjo mund të bëhet përmes negociatave.

“Natyrisht se kemi folur për dialogun dhe kemi folur për procedurën e tij se si të merret me dialogun, por nuk jemi fokusuar në çështje specifike”.

“Mendoj që në fillim të dialogut dhe asnjëherë nuk i kam takuar personalisht më përpara dhe shpresoj që në javët e ardhshme do të shohim një ngushtim të pozicioneve, një afrim të pozicioneve origjinale dhe kjo mund të bëhet përmes negociatave”.

Cramon ka folur edhe për procesin e liberalizimit të vizave, duke shtuar se Kosova i ka përmbushur të gjitha kriteret prandaj i takon BE-së t’u përmbahet zotimeve, raporton EO.

“Shpresojmë se në një moment do të shohim qëndrime më pak të polarizuara dhe gjatë presidencës së Gjermanisë kemi mundur ta kemi këtë temë në agjendë derisa Kosova i ka përmbushur kushtet teknike prandaj është çështje e Këshillit të Evropës dhe në këtë pikëpamje disa anëtarë hezitojnë”.

“BE-ja nuk i ka bërë detyrat e shtëpisë dhe Kosova i kanë përmbush kriteret dhe tani është çështje e BE-së që edhe ata t’i mbushin premtimet e tyre dhe po e humb kredibilitetin e saj”.

“Shpresojmë se në një moment do të shohim qëndrime më pak të polarizuara dhe gjatë presidencës së Gjermanisë kemi mundur ta kemi këtë temë në agjendë derisa Kosova i ka përmbushur kushtet teknike prandaj është çështje e Këshillit të Evropës dhe në këtë pikëpamje disa anëtarë hezitojnë”.

Ajo ka folur deklaratën e përfaqësuesit special të BE-së, Miroslav Lajçak, që nëse Kosova nuk i beson BE-së le të shkoj në një drejtim tjetër, derisa Cramon tha se kjo është parafrazuar gabimisht.

Von Cramon tha se presidentja Vjosa Osmani ka dërguar disa kërkesa që të ketë mbështetje nga misioni i EULEX-it.

“Në lidhje me deklaratën e Lajçakut mendoj që është parafrazuar gabimisht. Nuk mund të punojmë kështu duhet ti përmbahem standardeve”.

“Pika e dytë që po i referoheni presidentes mirëpo mund të jetë për vazhdimin e EULEX dhe ka dërguar disa kërkesa që të ketë mbështetje nga misioni i EULEX-it dhe është çështja e presidentes që të ia miratojë mandatin dhe për këtë arsye ajo ka ngritur vëmendjen”.

Në fillim Cramon tha se është takuar me përfaqësuesit e KFOR-it.

“Jemi takuar me përfaqësuesit e KFOR-it pastaj ishte me ministrin nga Lista Serbe që ishte takim interesant në lidhje me perceptimin e tyre të minoriteteve serbe dhe si është bashkëpunimi me Qeverinë e re”.

“Me ndihmën e BE-së, Qeveria e re ka filluar të punojë në këtë qasje dhe është një prej prioriteteve, çështja e furnizimit me energji që tashmë po zgjidhen dhe jam e kënaqur që publiku më i gjerë po i kuptoj çështjet e ndryshimeve klimatike”.

“Ka një fokus të veçantë në edukimin mjedisor dhe pse duhet t’i mbrojmë kafshët, pastaj pika tjetër gjatë udhëtimit ishte në Brezovicë dhe kemi folur me OJQ të ndryshme. Të dielën kemi shkuar në Prizren dhe është shtylla e trashëgimisë suaj dhe Prizreni është model i komunitetit multi-etnik jo vetëm në Kosovë por në regjion”.

“Kemi folur me udhëheqësit e opozitës në Parlament kemi pasur takim me presidenten e Kosovës”.

Cramon i’u ka bërë thirrje krerëve institucional që të marrin pjesë në paradën e krenarisë si dhe të lejohet me Kodin Civil martesa e gjinisë së njëjte.