Një lajm që s’ishin mësuar kosovarët ta dëgjonin, në maj të 2014-s e kishte lënë në Prishtinë presidenti i Panamasë, Ricardo Martinelli.

Gjatë një vizite zyrtare që e kishte bërë me ftesë të homologes së tij, presidentes Atifete Jahjaga, Martinelli pati dhënë kumtin se e ka përfshirë Kosovën në listën e vendeve miqësore për udhëtim pa viza dhe për mundësi për punë, shkruan sot “Koha Ditore”.

Tre vjet pas, shtetasit e Kosovës nuk mund të udhëtojnë në Panama pa e pasur një vizë. Kjo për faktin se shteti i ri nuk është në listën që e kishte përmendur miku i Jahjagës.

Dhe, kjo listë nuk përmban pak vende, por aty janë të gjithë anëtarët e Bashkimit Evropian si dhe 90 shtete të tjera.