VV-ja fton aktivistët e saj të marrin pjesë në referendumin për marrëveshje me LDK-në

Prishtinë | 02 Shk 2020 | 13:03 | Nga Ekonomia Online

Lëvizja Vetëvendosje (VV) ka njoftuar se do të mbaj referendum për marrëveshje me LDK-në për Qeverinë. VV-ja ka njoftuar se kjo vjen në bazë të statutit të saj dhe referendumi do të përfshijë të gjithë aktivistët e VV-së nëpër qendrat e saja në gjitha Komunat.

Në fund, VV fton të gjithë aktivistët që të dalin dhe të shprehin vullnetin e tyre.

Shkrimi i plotë:

Lëvizja VETËVENDOSJE! mban referendum për marrëveshje me LDK-në për Qeverinë Komisioni i Përgjithshëm Zgjedhor i Lëvizjes VETËVENDOSJE!, konform statutit të saj, sot organizon referendumin për marrëveshjen me LDK-në, për formimin e Qeverisë.

Marrëveshjet Qeveritare sipas nenit 28 të Statutit të Lëvizjes VETËVENDOSJE! parashihen që të vendosen me anë të demokracisë së drejtpërdejtë, me parimin një aktivist një votë.
Ky referendum do të përfshijë të gjithë aktivistët, të organizuar në të gjitha Qendrat e Lëvizjes VETËVENDOSJE!.

Ju bëjmë ftesë të gjithë aktivistëve që të dalin dhe të shprehin vullnetin e tyre!2 shkurt 2020
Lëvizja VETËVENDOSJE!

Të ngjashme