Zëdhënësi i Lëvizjes Vetëvendosje, Arlind Manxhuka i ka reaguar Asociacionit të Gazetarëve të Kosovës (AGK), i cili bëri thirrje gazetarëve që të bojkotojnë takimet ndërmjet VV-së dhe LDK-së, raporton Ekonomia Online.
Manxhuka përmes profilit të tij në Facebook, ka thënë se konstatimet e AGK-së, për mospërfillej të gazetarëve nuk qëndron.
K yështë reagimi i tij i plotë:
Reagimi i AGK-së dhe thirrja për të bojkotuar takimet VV-LDK me arsyetimin se gazetarët po qëndrojnë jashta objekteve të Kuvendit dhe në të ftohtë për orë të tëra është i paqëndrueshëm.
Personalisht jam kujdesur që me të arritur te Kuvendi, në çdo takim, gazetarët të presin brenda në Kuvend, madje edhe në kohën kur Kuvendi nuk ishte i konstituuar. Nuk ka asnjë nevojë që dikush të qëndrojë në të ftohtë dhe këtë e kemi evituar në secilin takim.