Vizioni për Drenasin, nisma politike e themeluar nga ish-asamblisti i Partisë Demokratike të Kosovës, Xhavit Drenori, është bashkuar me Lëvizjen Vetëvendosje.

Njoftimin e ka bërë vet Drenori në llogarinë e tij në Facebook.

“Nuk ishte vendim i lehtë por i duhuri për rrethanat e krijuara. Së shpejti do dalim me një deklaratë zyrtare”, ka shkruar Drenori.

Ai ka shtuar se “ende vazhdoj të mos pajtohem me disa veprime të VV-së, por vizioni i përgjithshëm për të ardhmen e qytetarëve tanë është shumë i përafërt”.