“Zeman nuk dërgoi ambasador në Kosovë”, Daçiq thotë se është mirënjohës ndaj Çekisë

Prishtinë | 01 Sht 2021 | 11:28 | Nga Ekonomia Online

Kryetari i Kuvendit të Serbisë, Ivica Daçiq thotë se presidenti i Republikës Çeke, Miloš Zeman, i ka thënë se nuk ka marrë letrat kredenciale për ambasadorin e Kosovës dhe se nuk e ka dërguar ambasadorin çek në Kosovë.

Daçiq tha se Beogradi i është shumë mirënjohës presidentit çek për këtë.

I pyetur nëse  Zeman, me të cilin u takua gjatë qëndrimit në Republikën Çeke, tha në mënyrë specifike se cili ishte qëndrimi i tij për zgjidhjen e çështjes së Kosovës, Daçiq tha:

“Jo, ai nuk u fut në atë pjesë të problemit. Ai ka mirëkuptim të plotë për atë problem, ai më tha se nuk ka marrë letra kredenciale për ambasadorin e tyre dhe se nuk e ka dërguar ambasadorin çek në Kosovë, për të cilën ne jemi shumë mirënjohës “, raporton Tanjug, transmeton Klankosova.tv.

Ai tha se marrëdhëniet midis Serbisë dhe Republikës Çeke janë në një nivel shumë të lartë dhe se ai bisedoi me nikoqirët, kryesisht me Presidentin e Dhomës së Përfaqësuesve të Parlamentit Çeke Radek Vondarcek, për thellimin e bashkëpunimit dhe nevojën për takimet.

Të ngjashme