Zëvendëskryeministri Abazi arsyeton vendimin për pagat, tregon pse u shkarkuan koordinatorët

Prishtinë | 12 Shk 2020 | 18:26 | Nga Albanë Hajdari Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Zëvendëskryeministri i Kosovës, Haki Abazi ka mbrojtur vendimin e Qeverisë Kurti e cila anuloi vendimin e ish-kryeministrit Haradinaj për pagat e kabinetit qeveritar, si dhe të koordinatorëve nacionalë.

Abazi në një prononcim për Ekonomia Online tha se vendimi i sotëm për uljen e pagave është i drejtë dhe është bërë për të kursyer buxhetin e shtetit, pasi që siç tha ai prioritet i tyre mbetet zhvillimi ekonomik.

“Është në vendim i qeverisë i cili bën shkarkimin e koordinatorëve që janë përcaktuar në vendim për shkak se ne besojmë që nuk duhet të ketë mbivendosje dhe duplifikim të përgjegjësive. Arkitektura e qeverisë ka ministria, zëvendësministra, drejtor departamentesh kanë përgjegjësinë  e plotë për punën që duhet bërë, dhe nuk ka pasur nevojë që të ketë edhe një strukturë shtesë të koordinatorëve.

“Qeveria ia ka rritë vetës pagat dhe ne jemi kthyer në vendimin e mëparshëm juridik i cili është rregulluar në nivelin e pagave që kanë qenë më herët, ky është nacionaliteti. Ligji për Paga është pjesë e rregullores që është në Gjykatën Kushtetuese në shqyrtim, varësisht prej vendimit të saj do të kemi mundësi që të bëjmë intervenime të duhura e të domosdoshme sepse përqendrimi ynë është që paraja publike, buxheti të shpenzohet me kujdes në raport me nivelin e pagave në gjithë shoqërinë tonë. Nuk mund të kemi një diskrepancë të madhe të sektorit publik”, tha ai.

Abazi tha se për këtë vendim kanë bërë analizë paraprake dhe përkon me premtimet e bëra gjatë fushatës, ndërsa shton se do të angazhohen për një nivelizim pagash si në sektorin publik kashtu edhe në atë privat.

“Është vendim që është marrë në bazë analizave dhe llogarive që ka bërë. Ky vendim është pjesë e premtimeve tona që do të bëjmë veprime të duhura dhe do të kthehemi në vendime juridike që mbështesin nivelin e pagave pa pasur konflikt interesi. Shpresojmë që zhvillimi ekonomik do të mundësoj rritjen e pagave në gjithë sektorët për gjithë qytetarët  dhe do të ishte një proces normal i përputhshmërisë së zhvillimit dhe pagës mesatare me pagat e zyrtarëve të qeverisë”, tha ai për EO.

Vendimi i qeverisë Kurti për uljen e pagave për kryeministrin dhe kabinetin e tij, po shihet më shumë si popullor dhe pa u respektuar ligji e as procedura.

Abazi i përgjigjet Grenellit: Reciprociteti pastaj heqja e taksës

Zëvendëskryeministri Abazi ka komentuar deklaratat e të dërguarit të posaçëm të SHBA-së, Richard Grenell për heqjen e taksës pa reciprocitet.

Ai theksoi se Bashkësia Ndërkombëtare është koncentruar drejt zgjidhjes së probleme ndërmjet Kosovës dhe Serbisë.

Andaj tha se taksa do të hiqet vetëm me reciprocitet,  pasi që është masë e njohur ndërkombëtarisht që merret mes shteteve, gjë të cilën e aplikon edhe ShBA-ja.

“Është bërë një diskutim në nivel media, se sa që është bërë diskutimi për nisjen e dialogut në përgjithësi. Mbetet të shihet që pozicionimet e palëve në negociata përfshirë edhe Bashkësinë Ndërkombëtare e cila është e koncentruar drejt gjetjes së zgjidhjes së problemit. Jo vetëm në normalizimin e marrëdhënieve mes Kosovës dhe Serbisë por deri te arritja e njohje së dyanshme. Cili do angazhim që bie në përfundimin e gjetjes së qëndrueshme dhe njohës së dyanshme që me automatizëm përcakton ndërprerjen e fushatës së Serbisë kundër njohjeve”, tha ai.

Zëvendëskryeministri potencoi se Kosova do të hyjë në negociata me Serbinë vetëm si dy shtete të barabarta.

“Ne jemi të qartë me hapat që do të merren për të arritur që nga taksa të kalojmë në reciprocitet. Si masa të njohura të marrëdhënieve ndërkombëtare mes shteteve. Edhe SHBA dhe vendet e ndryshme marrin vendime të tilla ku aplikohet reciprociteti. Tentimi i BE-së për dialogun është për të krijuar hapësirë që vështirëson procesin e negociatave. Pjesë e dialogut janë edhe largimi nga çfarëdo pozite që është krijuar në të kaluarën për Kosovën, qoftë ai për korrigjim kufijsh, ndarje e të tjera. Po të hyjmë në negociata si dy shtete të barabarta”, u shpreh Abazi për EO.

Të ngjashme