Deputeti i Kuvendit të Kosovës nga radhët e VV-së, Eman Rrahmani ka komentuar negociatat që partia e tij është duke zhvilluar me LDK-në për arritjen e koalicionit qeverisës.

Përmes një postimi në Facebook, ai është shprehur shumë ashpër karshi kërkesës së LDK-së për postin e presidentit.

Ka thënë se nëse qysh tash i jipet mbështetje LDK-së për këtë postë, atëherë kjo parti do të fillojë pazaret me PAN-in.

Sipas tij, nëse LDK dëshiron të largohet nga ata që bashkëqeverisën deri tani, duhet të heq dorë nga posti i presidentit.

Postimi i plotë:

-Presidenti nuk mundet të zgjidhet pa vota të PAN-it. Nëse tash i jipet mbështetje LDK-së për Presidentin ata do të fillojnë pazaret me PAN-in.
-Për të pasur shtet të ç’kapur, duhet të kemi edhe President të ç’kapur, i cili do të kishte mbështetje nga të gjithë, do të ishte figurë unifikuese e përfaqësuese.
-Nëse LDK, dëshiron të largohet nga ata që ka bashkëqeverisur për 20 vite, duhet të largohet nga kërkesa për President.