Ajaxi vazhdon të kryesojë i qetë renditjen në Eredivisie, teksa koleksionoi një tjetër fitore, 4-2 në transfertë kundër Zwolles. Një fitore e thjeshtë për “harkëtarët”, të cilët e nisën sfidën me presing dhe pas vetëm 6 minutash gjetën golin e avantazhit me Promes.

Në minutën e 11-të, i njëjti lojtar do të shfaqej sërish si protagonist, duke dyfishuar shifrat për Ajaxin. Vendasit ishin të pafuqishëm për të reaguar, teksa në të 20-ën Neres i dhuroi sërish festë klubit nga Amsterdami. Në minutën e 35-të, Zwolle reagoi me Hamer.

Në pjesën e dytë, vendasit u shfaqen disi më agresivë në lojën e tyre dhe në minutën e 62-të, Saymak ngushton diferencën. Ajaxi e pa vetën në vështirësi, pasi vendasit kërkuan golin e barazimit, ndërsa nuk munguan as momentet e tensionit mes lojtarëve. Sidoqoftë, për t’i venë vulën sfidës, u kujdes braziliani Neres, i cili shënoi golin e katërt dhe të dytin personal.

Kështu Ajaxi vazhdon të ruajë kreun tashmë në kuotën e 32 pikëve, ndërsa Zwolle qëndron në vendin e 14-të me 10 pikë.