Atletico–Real Madrid, dilema e madhe e Solarit!

Prishtinë | 09 Shk 2019 | 09:07 | Nga Ekonomia Online

​Është dita e derbit të Madridit në Spanjë. Duke filluar nga ora 16:00, Atletico pret Real Madridin në “Wanda Metropolitano”, sfidë e vlefshme për xhiron e 23 në La Liga.

Reali nuk di për fitore në La Liga kundër Atleticos që nga viti 2016, kur kishte triumfuar atë kohë 0-3 në “Vincente Calderon”, me het-trik nga ana e Cristiano Ronaldos.

Katër ndeshjet e fundit pas atij triumfi, janë ndarë barazim deri më tani.

Por, duke parë rëndësinë e ndeshjes dhe mundësinë e mirë për t’u ngjitur sa më lart në tabelë, pasi diferenca mes tyre është vetëm dy pikë – atëherë pritet që kjo ndeshje të mbyllet me një tjetër rezultat, e jo me barazim.

AS ka zbuluar formacionet e mundshme dhe nëse Simeone e ka të qartë tashmë 11-shen titullarë, kështu nuk duket për Solarin.

Forma e mirë e Vinicius Junior dhe Lucas Vasquez, ka krijuar kokëdhembje për Solarin i cili duhet të sakrifikojë dy lojtarë me emër: Gareth Bale dhe Marco Asensio.

Sipas AS, Vinicius do të zbresë në fushë nga minuta e parë dhe dilema e vetme është mes Bale e Vasquez.

Fjalë Kryesore:

Të ngjashme